ஸ்டாலின் அண்ணா மோட்டார் எறிகணை தொழில்நுட்பம் பற்றிய அறிவை, அது சம்மந்தமான ஆங்கில புத்தகங்களை வாசித்தே தெரிந்து கொண்டார். அதில் தனக்கு தோன்றிய யுக்திகளையும் பயன்படுத்தி, எமக்கு தேவையான விதத்தில் அதனை வடிவமைத்தார். ஒருமுறை மேலெழுந்து நீண்டதூரம் சென்று இலக்கை அடைந்த பின் வீழ்ந்து, ஏற்படும் அதிர்வில் வெடிக்கும் வகையில் வடிவமைத்த மோட்டார், பரீட்சாத்தத்தின் போது, ஈடு செய்ய முடியாத உயிர் இழப்பை ஏற்படுத்தியது. பாலஸ்தீனத்தில் பயிற்சிபெற்ற தோழர் ராஜன் அவர்கள், பரீட்சாத்தத்தில் ஈடுபட்டவேளை மோட்டார் செல், பரல் உள்ளே வெடித்ததால், மிகப்பெரிய இரும்பு துண்டு, அவர் வயிற்றை பிளந்து உயிர் பிரிந்தது. அந்த உன்னதமான தோழர் உயிர் பிரியும் வேளையிலும் கூறியது, இயக்கத்தை கட்டுக்கோப்பாக நடத்துங்கள், தோழர் நாபாவின் கரங்களை பலப்படுத்துங்கள் என்பதே.
(“தியாகிகள் தின மாதத்தில் அணைந்த தியாக தீபம்! [3]” தொடர்ந்து வாசிக்க…)
