குமார் குணரத்னத்தின் விளக்கமறியல் நீடிப்பு

முன்னிலை சோசலிசக் கட்சியின் அரசியற் குழு உறுப்பினர் குமார் குணரத்னத்தை டிசெம்பர் மாதம் 30ஆம் திகதி வரையிலும் விளக்கமறியலில் வைக்குமாறு கேகாலை நீதவான் நீதிமன்றம், இன்று வெள்ளிக்கிழமை (18) உத்தரவிட்டுள்ளார். குடிவரவு மற்றும் குடியகல்வு சட்டத்தை மீறி, நாட்டில் தங்கியிருந்ததாக குற்றச்சாட்டப்பட்டிருந்த இவர் கேகாலை, அருகுருவெல பகுதியில் வைத்து நவம்பர் மாதம் 04ஆம் திகதியன்று சந்தேகத்தின் பேரில் கைதுசெய்யப்பட்டார்.

‘கொழும்பிலிருந்து ஓநாய் ஒன்று ஊளையிடுகின்றது’

வடமாகாண சபையைப் பற்றி கொழும்பிலிருந்து ஓநாயொன்று நேற்று வியாழக்கிழமை (17) ஊளையிட்டுள்ளதாக வடமாகாண சபை உறுப்பினர் எஸ்.பசுபதிப்பிள்ளை தெரிவித்தார். வடமாகாண சபையின் 2016 ஆம் ஆண்டுக்கான வரவு- செலவுத்திட்டத்தின் சுகாதார அமைச்சுக்கான நிதி ஒதுக்கீடு தொடர்பான விவாதம் இன்று வெள்ளிக்கிழமை (18) கைதடியில் அமைந்துள்ள வடமாகாண சபையில் நடைபெற்றபோதே அவர் மேற்கண்டவாறு தெரிவித்தார். ‘ஆடத்தெரியாதவனுக்கு மேடை சரியில்லை என்பது போல, ஒதுக்கப்பட்ட நிதியை செலவு செய்யாமல் அதிக நிதி கோரும் நடவடிக்கையில், வடமாகாண சபை செயற்படுகின்றது’ என நாடாளுமன்ற உறுப்பினர் கே.என்.டக்ளஸ் தேவானந்தா, நாடாளுமன்றத்தில் வியாழக்கிழமை (17) தெரிவித்த கருத்துக்கு பதிலளிக்கும் விதத்தில் பசுபதிப்பிள்ளை மேற்கண்டவாறு கூறினார். ‘வடக்கு கிழக்கில் இராணுவம் வீடுகளை அழிக்கவில்லையென்றால் பேய்களா வீடுகளை அழித்தன?’ என உறுப்பினர் து.ரவிகரன் தெரிவித்தார். கிளாலி ஆரம்ப சுகாதார வைத்திய நிலையத்தை, அங்கேயே மீள ஆரம்பிக்க வடமாகாண சுகாதார அமைச்சு நடவடிக்கை எடுத்து வரும் நிலையில், அதனை சாவகச்சேரிக்கு மாற்ற வடமாகாண சபை உறுப்பினர் ஒருவர் முயற்சிக்கின்றார் என சுகாதார அமைச்சர் ப.சத்தியசீலன் கூறினார்.

புலம்பெயர் தமிழர்கள் தமது காணிகளை வறிய மக்களுக்கு வழங்கவேண்டும்

-மாகாணசபை உறுப்பினர் திரு சிவாஜிலிங்கம்
தீவகத்தில் எத்தனையோ பெறுமதி மிக்க வீடுகள் காணிகள் அழிவுறும் நிலையில் உள்ளது.பராமரிப்பின்றி காணப்படுகிறது.புலம்பெயர்ந்து சென்றவர்களின் காணிகளும் இப்படி தேடுவாரற்று கிடக்கிறது.இதனை வடக்குமாகாணசபை பெற்று தீவகத்தைச்சேர்ந்த வெளியிடங்களில் வாழும் மக்களுக்கும் மற்றும் ஏனைய குடாநாட்டு மக்களுக்கும் பகிர்ந்தளிக்க வேண்டும் இதனை வடமாகாணசபை உடனடியாக நிறைவேற்ற வேண்டும்.

இந்தியா – இலங்கை இடையே கடல் பாலம்

தெற்காசியப் பிராந்தியத்தில் போக்குவரத்து வழித்தடங்களை வலுப்படுத்தும் விதமாக, இந்தியா- இலங்கை இடையே கடல் பாலம், சுரங்கப்பாதை ஆகியவற்றை அமைக்க மத்திய அரசு திட்டமிட்டுள்ளது என்று மத்திய சாலைப் போக்குவரத்து, நெடுஞ்சாலைத் துறை அமைச்சர் நிதின் கட்கரி கூறினார். ராமேசுவரத்தில் இருந்து இலங்கைக்கு, ரூ. 24,000 கோடி மதிப்பில் கடல் பாலம், சுரங்கப்பாதை அமைப்பதற்கு மத்திய அரசு திட்டமிட்டுள்ளது. இலங்கைப் பிரதமர் ரணில் விக்கிரமசிங்க அண்மையில் இந்தியா வந்தபோது, அவருடன் இந்தத் திட்டம் குறித்து பிரதமர் நரேந்திர மோடி விவாதித்தார். இந்தத் திட்டத்துக்கான நிதியை அளிப்பதற்கு “ஆசிய வளர்ச்சி வங்கி’ தயாராக உள்ளது. இதுதவிர, வங்கதேசம், பூட்டான், நேபாளம், இந்தியா ஆகிய நாடுகளிடையே தடையற்ற போக்குவரத்தை ஊக்குவிக்கும் வகையில் ஒரு ஒப்பந்தம் மேற்கொள்ளப்பட்டுள்ளது.

நிலத்தடி நீரில் எண்ணெய் கசிவு: அறிக்கை தெளிவுபடுத்தப்பட வேண்டும் -எதிர்க்கட்சித் தலைவர் தவராசா

வலிகாமம் பகுதியிலுள்ள கிணறுகளில் எண்ணெய் கசிவு ஏற்பட்டமை தொடர்பில் நிபுணர் குழுவால் மேற்கொள்ளப்பட்ட ஆய்வு அறிக்கையானது தெளிவாக வெளியிடப்படவேண்டுமென வடமாகாண சபை எதிர்க்கட்சித் தலைவர் சின்னத்துரை தவராசா தெரிவித்தார். வடமாகாண சபையின் 2016ஆம் ஆண்டு வரவு – செலவுத்திட்டத்தின் விவசாய, கால்நடை அபிவிருத்தி, நீர்ப்பாசனம் மற்றும் கூட்டுறவு அமைச்சின் நிதி ஒதுக்கீடு தொடர்பான விவாதம் கைதடியில் அமைந்துள்ள வடமாகாண சபையில் இன்று வியாழக்கிழமை (17) நடைபெற்ற போது, அவர் மேற்கண்டவாறு கூறினார்.

(“நிலத்தடி நீரில் எண்ணெய் கசிவு: அறிக்கை தெளிவுபடுத்தப்பட வேண்டும் -எதிர்க்கட்சித் தலைவர் தவராசா” தொடர்ந்து வாசிக்க…)

மகேஸ்வரி நிதியத்தின் மீதான விசாரணை ஆரம்பம்

யாழ்.மாவட்ட பாரவூர்தி உரிமையாளர் சங்கத்துக்கு மகேஸ்வரி நிதியத்தினர் வழங்கவேண்டிய 10 மில்லியன் ரூபாய் நிதி தொடர்பான விசாரணை, கோப்பாய் பொலிஸார் மற்றும் இரகசியப் பொலிஸார் ஆகியோரால் ஆரம்பிக்கப்பட்டுள்ளது. மகேஸ்வரி நிதியத்துக்கு மணல் ஏற்றி இறக்குவதற்காக பாரவூர்தி உரிமையாளர்கள் வழங்கிய 5,000 ரூபாய் அங்கத்துவ வைப்புப் பணம் மற்றும் ஒவ்வொரு முறையும் மணல் ஏற்றியிறக்கும் போது வழங்கிய 300 ரூபாய் சேமநிதி என 10 மில்லியன் ரூபாய் நிதியை திரும்பத் தரக்கோரி பாரவூர்தி உரிமையாளர்கள் ஆர்ப்பாட்டங்களை நடத்தினர்.

(“மகேஸ்வரி நிதியத்தின் மீதான விசாரணை ஆரம்பம்” தொடர்ந்து வாசிக்க…)

அமெரிக்கா, கியூபாவுக்கு இடையில் விமான சேவை…?

கியூபா மற்றும் அமெரிக்காவுக்கு இடையில் தொடர்ச்சியான வர்த்தக விமான சேவையை ஆரம்பிப்பது குறித்து இரு நாடுகளுக்கும் இடையில் புரிந்துணர்வு ஏற்பட்டுள்ளது. இந்த முடிவு தவிர்க்க முடியாததாகும் என்று பெயரை வெளியிடாத அமெரிக்க மற்றும் கியூப அதிகாரிகள் உறுதி செய்துள்ளனர். எனினும் கியூப அரசுக்கும் அமெரிக்க விமான சேவைகளுக்கும் இடையிலான பேச்சுவார்த்தைகளுக்கு மாதங்கள் எடுத்துக் கொள்ளும் வாய்ப்பு இருப்பதால் இந்த அறிவிப்பு எப்போது வெளியாகும் என உறுதி செய்யப்படவில்லை.அமெரிக்கா 54 ஆண்டுகளுக்கு பின்னர் கடந்த ஓகஸ்டில் கியூபாவுடன் தூதரக உறவை ஆரம்பித்தது. எனினும் கியூபா மற்றும் அமெரிக்கா உறவில் தொடர்ந்து முன்னேற்றம் ஏற்பட வேண்டிய சூழல் உள்ளது. குறிப்பாக கியூபா மீதான பொருளாதார தடையை அமெரிக்கா அகற்றிக்கொள்ள அழுத்தம் கொடுக்கப்பட்டு வருகிறது. விமான சேவை தொடர்பில் உத்தியோகபூர்வ உடன்பாடொன்று எட்டப்படும் சூழலில் அமெரிக்காவில் இருந்து நாளாந்தம் கியூபாவுக்கு ஒரு டஜன் விமானங்கள் வருகைதர வாய்ப்பு உள்ளது.

த.தே.கூ உறுப்பினர்களும் மாவட்ட அபிவிருத்திக் குழுக்களின் இணைத் தலைவர்களாகினர்

தமிழ்த் தேசியக் கூட்டமைப்பு நாடாளுமன்ற உறுப்பினர்களும் முதற் தடவையாக வடக்கு மற்றும் கிழக்கு மாகாணங்களிலுள்ள மாவட்டங்களுக்கு மாட்ட அபிவிருத்திக் குழுக்களின் இணைத் தலைவர்களாக ஜனாதிபதியினால் நியமிக்கப்பட்டுள்ளனர். இதனடிப்படையில்,

யாழ்ப்பாண மாவட்டம் – மாவை சேனாதிராஜா,
வவுனியா மாவட்டம் – செல்வம் அடைக்கலநாதன்,
கிளிநொச்சி மாவட்டம் – எஸ். ஸ்ரீதரன்
மன்னார் மாவட்டம் – சார்ள்ஸ் நிர்மலநாதன்
முல்லைத்தீவு மாவட்டம் – டாக்டர் எஸ். சிவமோகன்
மட்டக்களப்பு மாவட்டம் – ஜி. ஸ்ரீநேசன் ஆகியோர் நியமிக்கப்பட்டுள்ளார்கள்.

(“த.தே.கூ உறுப்பினர்களும் மாவட்ட அபிவிருத்திக் குழுக்களின் இணைத் தலைவர்களாகினர்” தொடர்ந்து வாசிக்க…)

வடக்கு, கிழக்கில் வீடுகள் அழிந்தமைக்கு புலிகளே முழுப்பொறுப்பு

வடக்கு, கிழக்கு மாகாணங்களில் வீடுகள் அழிந்தமைக்கு புலிகளே முழுமையான பொறுப்பையும் ஏற்றுக்கொள்ள வேண்டும் என வீடமைப்பு மற்றும் நிர்மாணத்துறை அமைச்சர் சஜித் பிரேமதாச பாராளுமன்றத்தில் தெரிவித்தார். வடக்கு, கிழக்கில் முன்னெடுக்கப்படும் வீடமைப்புத் திட்டங்களை முன்னெடுக்கும்போது இன,மத,குல பேதமின்றி சகலருக்கும் வழங்குவதற்கு நடவடிக்கை எடுக்கப்படுமென அவர் கூறினார்.

(“வடக்கு, கிழக்கில் வீடுகள் அழிந்தமைக்கு புலிகளே முழுப்பொறுப்பு” தொடர்ந்து வாசிக்க…)

மாசு காரணமாக சீனாவில் சுத்தமான காற்று பாட்டிலில் அடைத்து விற்பனை!

காற்றில் ஏற்பட்டுள்ள மாசு காரணமாக சீனாவில் சுத்தமான காற்று பாட்டிலில் அடைத்து விற்பனை செய்யப்படுகிறது. உலக மக்கள் தொகையில் முதலிடத்தில் உள்ள சீனா, தொழில் துறையிலும் வளர்ந்து வருகிறது. இதனால், அந்நாட்டு தலைநகர் பெய்ஜிங் உள்பட பல்வேறு நகரங்களில் வாகனங்கள், மின்உற்பத்தி நிலையங்கள் மூலமாக அதிகமான புகை வெளியேறுகிறது. மேலும், வீடுகளில் குளிர் காய்வதற்காக நிலக்கரி எரிப்பதிதாலும் அதிக புகை வெளியேறுகிறது. இதனால், அங்கு காற்றில் மாசு பெருகி உள்ளது.

(“மாசு காரணமாக சீனாவில் சுத்தமான காற்று பாட்டிலில் அடைத்து விற்பனை!” தொடர்ந்து வாசிக்க…)