தாயகத்தை நோக்கிய பயணத்தில் ஒரு இடைத் தங்கல்…. ‘Big Meals’

(Saakaran)

எயர் கனடா தனது வழமையான ‘அளவான’ உணவு உபசரிப்புடன் மும்பாய் நகரில் தாமதம் இன்றி தரையிறங்கியது. பம்பாய் என்றிருந்த நகரம் தற்போது மும்பாய் என்று மாறியதில் பல் தேசிய இனங்கள் வாழும் ‘ஜனநாயக’ நாட்டில் ஒரு மதத்தை முன்னிறுத்திய சிந்தனைப் போக்கும் காரணமாக இருந்தது என்பது வரலாறு. 16 ம் நூற்றாண்டில் இந்தியாவிற்கு வணிகத்திற்கு என்று வந்திறங்கிய போத்துக்கீசரால் 7 தீவுகளை இணைத்து பம்பாய் என்று பெயர் சூட்டப்பட்டதாக வரலாறு உண்டு. 1995 ஆண்டு ஆட்சிக்கு வந்த பால் தக்கரே இன் சிவ சேனா கட்சியினரால் காலனி ஆதிக்கத்திற்கு எதிரான சுதேசிகளின் அடையாளத்தை முன்னிறுத்த மும்பாய்தேவி என்ற இந்து கடவுகளை அடியொட்டிய இந்துத்துவா சிந்தனையின் வெளிபாடாக இந்த ‘ப’ ‘மு’ இனால் பிரிதியீடு செய்து பெயர் மாற்றபட்டது.

6 மணி நேரம் தங்கி நின்று தாயகத்திற்கான அடுத்த விமானத்தை பிடிப்பதற்கு இடையில் விமான தளத்திற்குள் உண்பதற்காக உணவகங்கள் நிறைந்த பகுதியிற்கு சென்றேன். மேற்கத்திய சாப்பாடுகள் தொடக்கம் இந்திய உணவு வகைகள் உட்பட சீன வகை சாப்பாடுகள் என பல வகை உணவங்கள் எனது பசியை தீர்க்க என்னை கண் சிமிட்டி அழைத்தாலும் என்னமோ என்னை கவர்ந்தது இந்திய ‘சுடிதார்’ களே. அதுவும் சேலையின் தாக்கத்திற்கான தென்னிந்திய உணவு வகையான இட்லி தொடக்கம் மெது வடை ஈறாக சிறிய சிறிய அளவில் பலவகை உணவுப் பண்டங்களை தனித்தனியாக பாகம் பிரித்து அமைத்து ஒரு சாப்பாடு தட்டில் பரிமாறிய பிக் மீல்ஸ் ஒன்றை தருமாறு வேண்டிக் கொண்டேன்.