இதில், 15 பேர் ஸ்தலத்திலேயே மரணமடைந்தனர். 18 பேர் காயமடைந்து வைத்தியசாலைகளில் அனுமதிக்கப்பட்டுள்ளனர். தங்காலை நகர சபையின் ஊழியர்கள் மற்றும் அவர்களின் குடும்ப உறுப்பினர்கள் சுற்றுப் பயணமொன்றை மேற்கொண்டு, வீடு திரும்பிய சந்தர்ப்பத்திலேயே இந்த விபத்து உயிரிழந்தவர்களில் 6 ஆண்களும், 9 பெண்களும் அடங்குகின்றனர். காயமடைந்தவர்களின் 6 ஆண்களும், 5 பெண்களும், 3 ஆண் குழந்தைகளும், 2 பெண் குழந்தைகளும் அடங்குகின்றனர்.
வளைவு ஒன்றில் கவனக்குறைவாக வந்த ஜீப், பேருந்தின் மீது மோதியதை அடுத்தே பஸ் பள்ளத்தில் பாய்ந்து விபத்துக்கு உள்ளாகியுள்ளது. ஜீப்பின் ஓட்டுநர் கைது செய்யப்பட்டு தடுத்து வைக்கப்பட்டுள்ளார்.
எனினும், விபத்தில் சிக்கிய பேருந்தின் பிரேக்குகள் பழுதடைந்ததாக பேருந்தின் பிரேக்குகள் சரியாக வேலை செய்யவில்லை என்று ஓட்டுநர் ஒரு பயணியிடமோ அல்லது நடத்துநரிடமோ கூறியிருக்கின்றார். எனினும், விபத்துக்கு உள்ளான அந்த பேருந்து, போக்குவரத்தில் இருந்து நீக்கப்பட்டிருந்தது என்றும் சாரதியின் கவனயீனத்தால் இந்த விபத்து நேர்ந்ததாக கூறப்படுகிறது.
இந்த பேருந்து பத்து ஆண்டுகளுக்கும் மேலாக நீண்ட தூர சேவைகளில் பயன்படுத்தப்பட்டு வருவதாகவும், மாற்றியமைக்கப்பட்டு மீண்டும் சேவையில் ஈடுபடுத்த பட்டுள்ளதாகவும் கூறப்படுகிறது.
அந்த பேருந்தின் சாரதியை பற்றி பல்வேறான கருத்துகள் முன் வைக்கப்படுகின்றன நிலையில், அவர் அப்படிப்பட்டவர் இல்லை என்று பேருந்து உரிமையாளர் தெரிவித்துள்ளார்.
இவ்வளவு பெரிய அனர்த்தம் ஏற்பட்டிருந்தாலும், தனியார் பேருந்துகளுக்கு இடையிலான ஓட்ட பந்தயத்துக்கு குறைவே இல்லை. ஹட்டன்-கண்டிக்கு இடையில் சேவையில் ஈடுபடும், தனியார் பேருந்துகளின் சாரதிகள் இருவர், ஞாயிற்றுக்கிழமை (07) அன்று கைது செய்யப்பட்டுள்ளனர்.
தனியார் பேருந்துகளின் பெரும்பாலான ஓட்டுநர்கள் மற்றும் நடத்துனர்கள் மனிதாபிமானமற்றவர்கள். இவர்கள் பயணிகளை ஏற்றிச் செல்வதற்காக அல்ல, பின்னால் வரும் பேருந்தோடு, அல்லது முன்னால் வரும் பேருந்தோடு போட்டியிடுவதற்காகவே பேருந்துகளை ஓட்டுகிறார்கள்.
இந்தப் போட்டி பெரும்பாலும் ஒரு அபாயகரமான விபத்தில் முடிகிறது. இறப்பவர்களுக்கு காப்பீட்டில் இருந்து ஒரு சிறிய இழப்பீடு கிடைக்கிறது. அந்த இழப்பீடு இறந்தவரின் உயிருக்கு ஒருபோதும் ஈடுசெய்ய முடியாது.
இலங்கை ஏன் இவ்வளவு அதிக எண்ணிக்கையிலான சாலை விபத்துகளை கொண்ட நாடாக மாறியுள்ளது? நமது புரிதலின்படி, இதற்கு பல காரணங்கள் உள்ளன. சில நேரங்களில், சாலையை விட பெரிய வாகனங்கள் சில சாலைகளில் பயணிக்கின்றன. பின்னர் அந்த சாலையில் மற்றொரு வாகனம் பயணிக்க இடமில்லை.
சமீபத்தில், ஒரு பாடசாலை வேன் மீது டிப்பர் லொறி மோதியது. அது சென்று கொண்டிருந்த சாலையில் ஒரு குறுகிய பாலம் இருந்தது, இரண்டு சாலைகளிலும் கடக்க இடமில்லாததால், அவை ஒன்றோடொன்று மோதிக்கொண்டன. இதன் விளைவு மரணம்.
இந்த நாட்டின் சாலைகளில் அவற்றின் கொள்ளளவை விட அதிகமான வாகனங்கள் உள்ளன என்பதையும் நாங்கள் புரிந்துகொள்கிறோம். ஒவ்வொரு நபரும் ஒரு வாகனத்தில் பயணிக்க விரும்புகிறார்கள். வாகனம் பெரிதாகவும், அது உருவாக்கும் தோற்றம் மிகவும் உன்னதமாகவும் இருந்தால், மக்கள் பெரிய வாகனங்களை வாங்குகிறார்கள். மக்களின் இந்த ஆசைகளால் பல பிரச்சினைகள் எழுகின்றன. (Tamil Mirror)