நேபாள அனர்த்தம் எமக்கு கூறும் எச்சரிக்கைகள்

வடக்கு நேபாளத்தில் ஆற்றின் மேல் பகுதியில் ஏற்பட்ட பனிப்பாறை சரிவு (Glacial Collapse) காரணமாக இந்த பேரழிவு ஏற்பட்டுள்ளதாக முதற்கட்ட தகவல்கள் தெரிவிக்கின்றன.

இந்த இயற்கைச் இல்லை மனிதர்களால் சுற்றுச் கூழல் வெப்பமடைதல் என்றான இயற்கை சம நிலைக்கு எதிரான அதீத செயற்பாட்டினால் ஏற்பட்ட சீற்றத்தினால் பலி எண்ணிக்கை 356 ஆக அதிகரித்துள்ளது.

காணாமல் போனவர்கள்: சுமார் 1,400-க்கும் மேற்பட்டோர் இன்னும் கண்டுபிடிக்கப்படவில்லை.

இந்த பனிப்பாறை சரிவு மற்றும் திடீர் வெள்ளப் பேரழிவு, நேபாளத்தின் தலைநகரான காத்மாண்டுவிற்கு (Kathmandu) வடக்கே சுமார் 65 கிலோமீட்டர் (40 மைல்) தொலைவில் நேபாள-திபெத் எல்லைப் பகுதியில் நடைபெற்றது.

அமெரிக்க புவியியல் ஆய்வு மையம் (USGS) மற்றும் மீட்புக் குழுக்களின் தகவல்களின்படி அனர்த்தத்தின் மையப்புள்ளி (Origin Location) காத்மாண்டுவிலிருந்து சரியாக 65 முதல் 66 கி.மீ வடக்கே, இமயமலையின் திபெத் எல்லைக்கு மிக அருகில் இந்த பனிப்பாறை சரிவு நிகழ்ந்துள்ளது.

இதன் அதிர்வு காத்மாண்டுவில் உள்ள நில அதிர்வு மையங்களிலும் (Seismic Stations) பதிவாகியுள்ளது.

நேபாள-சீன எல்லையில் அமைந்துள்ள, காத்மாண்டுவிலிருந்து சுமார் 85 கி.மீ தொலைவிலுள்ள முக்கிய வர்த்தகப் பாதையான ரசுவாகாதி (Rasuwagadhi) எல்லைச் சாவடி மற்றும் அதன் அருகிலுள்ள திமுரே (Timure), சியாப்ருபேசி (Syabrubesi) ஆகிய கிராமங்கள் வெள்ளத்தின் முதல் அலையால் கடுமையாகத் தாக்கப்பட்டன.

மலை உச்சியில் (எல்லையில்) தொடங்கிய இந்த வெள்ளம், காத்மாண்டுவை நோக்கி வரும் வழியிலுள்ள ரசுவா மற்றும் நுவாகோட் (Nuwakot) மாவட்டங்களின் வழியாகத் திரிசூலி ஆற்றில் சீறிப்பாய்ந்து அடிவாரப் பகுதிகள் வரை பெரும் அழிவை ஏற்படுத்தியுள்ளது.

தலைநகருக்கு மிக அருகாமையிலேயே இந்த விபத்து நடந்திருப்பதால், காத்மாண்டுவிலிருந்து ஹெலிகாப்டர்கள் மூலம் மீட்புக் குழுவினர் விரைவாகச் செல்ல முடிந்தாலும், இடிந்த பாலங்கள் மற்றும் சேதமடைந்த சாலைகள் காரணமாகத் தரைவழிப் போக்குவரத்து முற்றிலும் துண்டிக்கப்பட்டுள்ளது.

பாதிக்கப்பட்ட பகுதிகளாக நேபாளத்தின் தலை நகர் திபெத்தை ஒட்டியுள்ள நேபாளத்தின் ரசுவா (Rasuwa), தாதிங் (Dhading), நுவாகோட் மாவட்டங்கள் மற்றும் போட்டே கோஸி (Bhote Koshi), திரிசூலி நதி கரையோரப் பகுதிகள் மிகக் கடுமையாக சேதமடைந்துள்ளன.

சுற்றுலாப் பயணிகளான இந்தியர்கள் வெள்ளத்தில் சிக்கி தமிழகத்தைச் சேர்ந்த 57 பேர் உட்பட 133 இந்தியர்கள் மாயமாகியுள்ளனர்.

கனடாவைச் சேர்ந்த 24 பயணிகள் உட்பட நூற்றுக்கணக்கான வெளிநாட்டு மலையேற்ற வீரர்களும், ஆன்மீகப் பயணம் மேற்கொண்டவர்களும் இப்பகுதியில் சிக்கியுள்ளனர்.

நேபாள ராணுவம் 15-க்கும் மேற்பட்ட ஹெலிகாப்டர்களைப் பயன்படுத்தி தீவிர மீட்புப் பணிகளில் ஈடுபட்டுள்ளது.

வெள்ளத்தின் வேகம் காரணமாக 20-க்கும் மேற்பட்ட பாலங்கள், சாலைகள், மின்சாரத் திட்டங்கள் மற்றும் பல கிராமங்கள் முழுமையாக அடித்துச் செல்லப்பட்டுள்ளன.

அண்மைய Gen Z போராட்டதினால் அரசு கலைகப்பட்டு நடைபெற்ற புதிய தேர்தலில் தெரிவான புதிய அரசின் தலைவர் நேபாள பிரதமர் பாலேந்திர ஸா (Balan Shah / Balendra Shah) அமைச்சரவையின் முக்கிய அவசரக் கூட்டத்தைக் கூட்டி மீட்பு நடவடிக்கைகளை முடுக்கிவிட்டுள்ளார்

நேபாளத்தையும் அதனுடன் எல்லையாக உள்ள திபெத் தன்னாட்சிப் பகுதியில் ஏற்பட்ட இந்த கோரமான திடீர் வெள்ளப்பெருக்கிற்கு சுற்றுச் சூழல் காரணமாக புவி வெப்பமயமாதல் (Global Warming) மற்றும் காலநிலை மாற்றம் (Climate Change) தான் மிக முக்கிய சுற்றுச்சூழல் காரணங்கள் ஆகும்.

அமெரிக்க புவியியல் ஆய்வு மையம் (USGS) மற்றும் சர்வதேச மலைப்பகுதி மேம்பாட்டு மையம் (ICIMOD) போன்ற அமைப்புகளின் முதற்கட்ட ஆய்வுகளின்படி, இந்த பேரழிவிற்குப் பின்னால் உள்ள சுற்றுச்சூழல் மற்றும் புவியியல் சங்கிலித் தொடர் எதிர்வினைகள் (Chain Reactions) பின்வருமாறு விளக்கப்படுகின்றன….

1. பனிப்பாறை சரிவு (Glacial Collapse)இமயமலைப் பகுதியில் வளிமண்டல வெப்பநிலை தொடர்ந்து அதிகரித்து வருவதால், உயரமான மலைகளில் உள்ள பனிப்பாறைகள் உருகி அவற்றின் உறுதித்தன்மையை இழக்கின்றன.

இதன் காரணமாக, நேபாளத்தின் லாங்டாங் லிருங் (Langtang Lirung) சிகரத்திற்கு அருகிலுள்ள ஒரு மிகப்பெரிய பனிப்பாறையின் கீழ் பகுதி திடீரென உடைந்து சரிந்தது (Glacial Disintegration).

இந்த சரிவின் அதிர்வு 5.2 ரிக்டர் அளவில் பதிவாகியுள்ளது.

2. தற்காலிக அணை உருவாக்கம் (Artificial Landslide Dam)உடைந்த பனிப்பாறைகள், பெரும் பாறாங்கற்கள் மற்றும் வண்டல் மண் ஆகியவற்றுடன் திபெத் பகுதியில் பாய்ந்து வரும் போடே கோஸி ஆற்றின் துணை நதியான ‘லெண்டே கோலா’ (Lhende Khola) நதிப் பள்ளத்தாக்கில் விழுந்தன.

இந்த மில்லியன் கணக்கான தொன் பனி மற்றும் மண் கழிவுகள், குறுகிய நதிப் பாதையை முழுமையாக மறித்து, அங்கு ஒரு தற்காலிக செயற்கை அணையை (Debris Dam) உருவாக்கியது.

3. மேகவெடிப்பு மற்றும் பருவமழை (Cloudburst & Monsoon)தற்போது இப்பகுதியில் தென்மேற்கு பருவமழைக் காலம் என்பதால், மண்ணும் பாறைகளும் ஏற்கனவே அதிகப்படியான நீரைக் உறிஞ்சி பலவீனமாக இருந்தன.

இதனுடன் திடீர் மேகவெடிப்பு (Cloudburst) ஏற்பட்டு, குறுகிய நேரத்தில் பெய்த கனமழையால் அந்த தற்காலிக அணையின் பின்னால் நீர்மட்டம் அபாயகரமான அளவிற்கு உயர்ந்தது.

4. அணை உடைந்து ஏற்பட்ட திடீர் வெள்ளம் (GLOF – Glacial Lake Outburst)தேங்கிய நீரின் கடுமையான அழுத்தம் தாங்காமல், அந்த தற்காலிக மண்-பனி அணை திடீரென உடைந்தது.

இதனால் சில மணி நேரங்களிலேயே, சுமார் 33 அடி (10 மீற்றர்) உயரத்திற்கு தண்ணீர், சேறு மற்றும் ராட்சத பாறைகள் கலந்த ஒரு பேரழிவு திரவம் போல (Liquid Concrete Nghy) சீறிப்பாய்ந்து வந்து மலையோரக் கிராமங்களை அழித்தது.

விஞ்ஞானிகளின் எச்சரிக்கைப்படி, மனிதர்களால் ஏற்படும் கார்பன் உமிழ்வு காரணமாக இந்து குஸ் இமயமலை (Hindu Kush Himalaya) பிராந்தியத்தில் பனி உருகுவது 2000-ஆம் ஆண்டிற்குப் பிறகு இரண்டு மடங்கு வேகமாக அதிகரித்துள்ளது,

இது போன்ற திடீர் இயற்கைச் சீற்றங்கள் அடிக்கடி நிகழ இதுவே மூல காரணமாகும்

இமயமலைப் பிராந்தியம் எதிர்கொள்ளும் தீவிர காலநிலை மாற்றப் பாதிப்புகள் (Climate Hotspots) மற்றும் அங்குள்ள பேரிடர் எச்சரிக்கை அமைப்புகளின் (Early Warning Systems) தற்போதைய நிலை குறித்த விரிவான தகவல்கள்….

இமயமலையின் ‘காலநிலை மாற்றப் பாதிப்புகள்’ (Climate Hotspots)

இமயமலை மற்றும் திபெத் பீடபூமி உள்ளடக்கிய பகுதிகள் “உலகின் மூன்றாவது துருவம்” (Third Pole) என்று அழைக்கப்படுகின்றன.

புவி வெப்பமயமாதலால் இப்பகுதி சந்திக்கும் முக்கிய சுற்றுச்சூழல் அச்சுறுத்தல்களாக…

• விரைவாக உருகும் பனிப்பாறைகள்: கடந்த 1970-களுக்குப் பிறகு இமயமலைப் பகுதியில் பனி உருகுவது மிகத் தீவிரமடைந்துள்ளது. உலகளாவிய சராசரி வெப்பநிலையை விட இப்பகுதியில் வெப்பநிலை உயர்வு மிக அதிகமாக உள்ளது.

• அபாயகரமான பனி ஏரிகள் (Supraglacial Lakes): பனிப்பாறைகள் உருகி பின்வாங்கும்போது, மலைகளின் உச்சியில் பெரிய பனி ஏரிகள் உருவாகின்றன. இவை எப்போது வேண்டுமானாலும் உடைந்து திடீர் வெள்ளத்தை (GLOF) உருவாக்கலாம்.

• மண்ணின் உறுதித்தன்மை குறைதல் (Permafrost Thaw): மலைச் சரிவுகளில் பாறைகளையும் மண்ணையும் பிடித்து வைத்திருக்கும் நிரந்தரப் பனி அடுக்குகள் (Permafrost) உருகுவதால், லேசான அதிர்விற்கே மிகப்பெரிய நிலச்சரிவுகளும் பனிப்பாறை சரிவுகளும் ஏற்படுகின்றன.

• மாறிவரும் பருவமழை (Erratic Monsoon): ஒரே நாளில் அல்லது சில மணி நேரங்களில் மாதக்கணக்கிலான மழை கொட்டும் மேகவெடிப்பு (Cloudburst) சம்பவங்கள் அதிகரித்துள்ளன.

இது தட்டையான பகுதிகளிலும் அனர்த்தங்களை ஏற்படுத்தலாம்.

முன்கூட்டியே எச்சரிக்கும் அமைப்புகள் (Early Warning Systems – EWS)

கடந்த காலங்களில் நேபாளத்தில் நதிக்கரைகளில் மரக் கோபுரங்கள் (Machans) அமைத்து, மனிதர்கள் மூலம் ஒலிபெருக்கியில் வெள்ள எச்சரிக்கை விடுக்கப்பட்டது.

கால ஓட்டத்தில் தொழில்நுட்ப வளர்ச்சியால் தற்போது அதிநவீன அமைப்புகள் பயன்படுத்தப்படுகின்றன:

1. செயற்கைக்கோள் கண்காணிப்பு (Satellite Monitoring)

அமெரிக்காவின் USGS மற்றும் நேபாளத்தின் ICIMOD போன்ற அமைப்புகள், செயற்கைக்கோள் படங்களின் மூலம் பனி ஏரிகளின் பரப்பளவு மற்றும் மலைச் சரிவுகளில் ஏற்படும் மாற்றங்களை 24 மணி நேரமும் கண்காணித்து வருகின்றன.

2. தானியங்கி சென்சார்கள் (Automated Radar Sensors)

ஆறுகளின் மேல் பகுதிகளிலும், பனி ஏரிகளிலும் ரேடார் அடிப்படையிலான நீர் மட்ட சென்சார்கள் (Water Level Sensors) பொருத்தப்பட்டுள்ளன.

நீர்மட்டம் அபாயக் கட்டத்தைத் தாண்டினால், இவை தானாகவே சமிக்ஞைகளை அனுப்பும்.

3. மொபைல் எஸ்.எம்.எஸ் எச்சரிக்கை (SMS Alerts)

சென்சார்கள் அனுப்பும் எச்சரிக்கை தரவுகள், உடனடியாக நேபாளத்தின் தேசிய அவசரக்கால செயல்பாட்டு மையத்திற்குச் செல்லும். அங்கிருந்து நதிக்கரையில் வாழும் மக்களின் மொபைல் எண்களுக்கு தானியங்கி எச்சரிக்கை குறுஞ்செய்திகள் (SMS) மற்றும் அலாரங்கள் அனுப்பப்படுகின்றன.

4. சைஃபோன் தொழில்நுட்பம் (Siphoning Systems)

அபாயகரமான பனி ஏரிகளின் நீர்மட்டத்தைக் குறைக்க, பொறியாளர்கள் செயற்கைக் கால்வாய்கள் மற்றும் பெரிய குழாய்கள் (Siphons) மூலம் தண்ணீரை முன்கூட்டியே வெளியேற்றும் தொழில்நுட்பத்தையும் பயன்படுத்துகின்றனர்.

தற்போதைய தொழில்நுட்ப சவால்கள் (The Great Challenge)

நேபாளம் இவ்வளவு தொழில்நுட்பங்களை வைத்திருந்தாலும், இந்த திடீர் வெள்ளத்தைத் தடுக்க முடியாமல் போனதற்குக் காரணம் “மழை இல்லாத பனிச்சரிவு” (No-Rainfall Hazard) ஆகும்.

பொதுவாக மழை பெய்யும்போது மட்டுமே பெரும்பாலான எச்சரிக்கை அமைப்புகள் தீவிரமாகச் செயல்படும்.

ஆனால், இம்முறை எந்தவித மழையும் இன்றி, வளிமண்டல வெப்பத்தால் மலையின் உச்சிப் பகுதியில் ஏற்பட்ட திடீர் பனிப்பாறை சரிவு, வெறும் 7 நிமிடங்களில் எல்லையைக் கடந்து வந்து பேரழிவை ஏற்படுத்தியுள்ளது.

இதனால் உலகிலுள்ள எந்தவொரு எச்சரிக்கை அமைப்பாலும் மக்களைக் காப்பாற்ற முடியாத அளவுக்கு மிகக் குறுகிய கால அவகாசமே கிடைத்தது என நீரியல் நிபுணர்கள் (Hydrologists) கவலை தெரிவித்துள்ளனர்.

இயற்கை மனிதர்கள் செய்யும் சுற்றுச் சூழலுக்கு எதிரான ‘அடாவடித் தனங்களை’ ‘பார்த்துக்’ கொண்டுதான் இருக்கின்றது. இதற்கான எச்சரிக்கை…? என்பதாக இதனை நாம்…. மனித குலம் உணர்ந்து கொள்ள வேண்டும்.

இதுபோன்ற விபத்துகளைத் தவிர்க்க கார்பன் உமிழ்வைக் குறைப்பதுடன், இமயமலைப் பகுதிகளில் வெடிமருந்துகளைப் பயன்படுத்தி சுரங்கங்கள் மற்றும் சாலைகள் அமைப்பதை உடனடியாகக் கட்டுப்படுத்த வேண்டும் என்று சுற்றுச்சூழல் ஆர்வலர்கள் வலியுறுத்துகின்றனர்.

விஞ்ஞானத்தில் இவ்வளவு வளர்ச்சிகளை கண்டுள்ள மனித குலம் இது போன்ற அனர்த்தங்களை முன் கூட்டியே அறிந்து இதிலிருந்து தப்ப முடியவில்லை என்பது எமக்கான முக்கிய எச்சரிகைச் செய்தியாகும்.

முன் கூட்டியே அறிந்தால் இடம்பெயர்தல் மூலம் மனித உயிர்களை காப்பாற்றலாம் சொத்துகளை காப்பாற்ற முடியாது.

இங்கு நாம் சுற்றுச் சூழலுக்கு எதராக செய்துவரும் அனர்த்தங்களுக்கு பிரதியீடாக இயற்கை எமக்கு செய்யும் அனர்த்தங்களை அழிவுகளை நாம் நிறுத்த முடியாது உள்ளது…?

இதனைத் தடுத்து நிறுத்த மனிதர்களான எம்மால்தான் முடியும்.

அது சுற்றுச் சூழல் பாதுகாப்பு மாசுபடாது பார்த்துக் கொள்ளவதற்கு அதிகளவு கரியமில வாயுக்களை வெளியேற்றாது சமநிலையில் சமப்படுத்தி சுற்றுச் சூழல் புத்தாக்கம் அடைவதற்குரிய கால இடைவெளியை வழங்கும் சுழற்சியிற்கு நாம் வந்தாக வேண்டும்.

கரியமில வாயுவின் அதிக வெளியேற்றம் என்பதாக பூமி வெப்பமாவதைத் தடுத்தலே ஆகும்.

சுற்றுச் சூழல் மனித வாழ்விற்கான கரியமில, ஒட்சின் போன்ற சமநிலைகளைப் பேணுவதற்கு மரங்களின் பங்கு முக்கியமாகின்றது.

இவைகள் பிரதானமாக சுற்றுச் சூழலை புத்தாக்கம் அமைவதற்கான வேலைகளை செய்வதற்குரிய பிரதான காரணியாகவும் உள்ளன.

எனவே மரங்களையும் வளர்ப்போம்.

இந்த அழிவுகளும் அழிவுகளில் இருந்து காத்தலும் மீண்டும் அழிவும் காத்தல் என்பதும் மனிதர்களாலே ஏற்படுகின்றது என்பதை நாம் புரிந்து கொள்ள வேண்டும்.

எம் தேசத்திலும் மலையும் மலை சார்ந்த வாழ்வியலும் உள்ள சூழலில் நேபாளத்தின் இன்றைய அனர்த்த பாடங்கள் எமக்கான ஓர் முன் எச்சரிகையாக ‘எல் நினோ(El Nino)’ வை எதிர் கொள்ள தயாராவோம்.

அனர்த்தங்களால் அதிகம் பாதிப்பிற்கு உள்ளான நேபாளத்துடனும் ,உயிர் இழந்த பாதிக்கப்பட்ட மக்களுடன் அவர்களுக்கு உறுதுணையாக ஆதரவாக நாமும் நிற்போம்.