இதைத் தொடர்ந்து, உயிர்களைக் காப்பாற்றும் முயற்சியில் மீட்புக் குழுவினர் இடிபாடுகளுக்குள் தீவிரமாகத் தேடி வருகின்றனர்.கராகஸ் மற்றும் அருகிலுள்ள கடலோர நகரமான லா குவைராவில், இடிந்து விழுந்த கட்டிடங்களின் இடிபாடுகளுக்கு அடியில் இருந்து மக்கள் உதவிக்காகக் கூக்குரலிடும் சத்தம் கேட்டது.அமெரிக்க புவியியல் ஆய்வு மையத்தின் (USGS) தகவல்படி, முதல் 7.2 ரிக்டர் அளவிலான நிலநடுக்கத்தைத் தொடர்ந்து சில வினாடிகளில் அதைவிட வலிமையான 7.5 ரிக்டர் அளவிலான மற்றொரு நிலநடுக்கம் ஏற்பட்டது.
இவ்விரண்டும் பூமிக்கு மிக அருகில் நிகழ்ந்ததால், சேதம் மேலும் கடுமையாகியுள்ளது.மேலும் பலர் உயிரிழந்திருக்கலாம் என அஞ்சப்படுகிறது. பலர் வீடுகளை இழந்துள்ளனர் அல்லது பேரழிவிற்குப் பிறகு சேதமடைந்த, பாதுகாப்பற்ற கட்டிடங்களில் தங்க அஞ்சி தெருக்களில் உறங்குகின்றனர்.
இந்த நிலநடுக்கங்கள் புதன்கிழமை உள்ளூர் நேரப்படி 18:04 மணிக்கு (ஜிஎம்டி 22:04) ஏற்பட்டன. இது வெனிசுலாவில் ஒரு தேசிய விடுமுறை நாள் என்பதால், ஒரு சாதாரண வாரநாளை விட அதிகமான மக்கள் அன்று வீட்டில் இருந்திருப்பார்கள்.இரண்டு நிலநடுக்கங்களும் ஆழமற்றவை – முதலாவது நிலநடுக்கம் தரைக்குக் கீழே 20.3 கி.மீ. ஆழத்திலும், இரண்டாவது 10 கி.மீ. ஆழத்திலும் மையம் கொண்டிருந்தது என யு.எஸ்.ஜி.எஸ். தெரிவித்துள்ளது.
வெனிசுலாவின் இடைக்கால அதிபர் டெல்சி ரோட்ரிக்ஸ் அவசரநிலையை அறிவித்ததைத் தொடர்ந்து, இறப்பு எண்ணிக்கை அதிகரித்துள்ளதாக அந்நாட்டின் தேசிய சட்டமன்றத் தலைவர் ஜார்ஜ் ரோட்ரிக்ஸ் வியாழக்கிழமை தெரிவித்தார்.பல நாடுகள் மீட்புப் பணிகளுக்கு உதவுவதாக உறுதியளித்துள்ளன, இதில் அமெரிக்கா 150 மில்லியன் டாலர் (113 மில்லியன் பவுண்டுகள்) நிதியுதவி அளிப்பதாக உறுதியளித்துள்ளது.
தேடுதல் மற்றும் மீட்புக் குழுக்களுக்கும் “விரைவான நிவாரண நடவடிக்கைகளுக்கும்” ஆதரவளிக்க, அமெரிக்க இராணுவம் போக்குவரத்து கப்பல்களையும் விமானங்களையும் அனுப்புவதாக ஓர் அறிக்கையில் தெரிவித்துள்ளது.