இலங்கை முழுவதும் கடும் மின்னல் தாக்கம் ஏற்படக்கூடும் என வளிமண்டலவியல் திணைக்களம் எச்சரிக்கை விடுத்துள்ளது. இந்த எச்சரிக்கை இன்று (14) முற்பகல் 11.00 மணி முதல் நாளை (15) அதிகாலை 1.00 மணி வரை அமுலில் இருக்குமென அறிவிக்கப்பட்டுள்ளது. இதன்படி, நாட்டின் பல பகுதிகளில் இடியுடன் கூடிய மழை பெய்யும்போது கடும் மின்னல் தாக்கங்கள் ஏற்படுவதற்கான அதிக சாத்தியம் காணப்படுவதாகத் தெரிவிக்கப்பட்டுள்ளது. மேலும், இடியுடன் கூடிய மழை பெய்யும் பகுதிகளில் தற்காலிகமாகப் பலத்த காற்று வீசக்கூடும் என்றும் வளிமண்டலவியல் திணைக்களம் எச்சரித்துள்ளது.