பிஹார் சட்டப்பேரவைத் தேர்தலில் பல திருப்பங்களை மட்டுமல்ல, விநோதமான யுத்தங்களையும் பார்க்க முடிந்தது. அவற்றில் முக்கியமானது லோக் ஜனசக்தி கட்சித் தலைவர் சிராக் பாஸ்வானுக்கும், ஐக்கிய ஜனதா தளத் தலைவர் நிதீஷ் குமாருக்கும் இடையிலான துவந்த யுத்தம். இரண்டு பேர் நேருக்கு நேர் மோதிக்கொள்வதுதான் துவந்த யுத்தம். எனினும், இரு தலைவர்களுக்கும் இடையிலான இந்த யுத்தத்தில் இன்னொரு சக்தியின் கையும் இருந்ததாகவே இன்றுவரை கருதப்படுகிறது.