வரலாற்றில் முக்கியமான ஒரு தருணத்தில் பிரிட்டன் பிரதமராகப் பதவியேற்றிருக்கிறார் போரிஸ் ஜான்ஸன். பதவியேற்ற பிறகு டௌனிங் தெருவில் அவர் ஆற்றிய உரையிலேயே அரசு செல்லவிருக்கும் திசை வெளிப்பட்டது. “இனி ‘ஒருவேளை, ஆனால்’ என்ற வார்த்தைகளுக்கு இடமில்லை; அக்டோபர் 31-க்கு முன் ஐரோப்பிய ஒன்றியத்திலிருந்து பிரிவது உறுதி” என்று முழங்கியவர், ஐரோப்பிய ஒன்றிய வெறுப்பாளர்களுக்குப் புதிய அமைச்சரவையில் இடமளித்தது சந்தேகமில்லாமல் இது ‘பிரெக்ஸிட் ஆதரவு அரசு’ என்பதை உறுதியாக்குகிறது.